Bukan den taknak follow...

on 07 February 2011

Den masuk je blog ekau, kono tunggu 10-15 minit. Humangg ngai.. Punyolah lamo loading eh.. Ini sah, memang sah widget berleluaso lah ni.. Ok blog dah habih loading, den ingat dah bulehlah sekodeng-sekodeng dulu apo-apo yang patut sobolom den  klik 'Follow'..

Den tokan tokan mouse tapi takdo respon.. Tokan-tokan punyo tokan pun takdo respon.. Ruponyo web browser den hang!
                                                        __________________________

Ngeleng kopalo kojap.. "Takpo kid.. Sabar kid sabar.." 3 minit den nunggu web browser den ok balik.. Orait dah buleh dah baco baco apo-apo yang patut dulu.. Tetibo den tersentak, terkojut.. Lagu tetiba on! Den ni pulak pakai headphone, volume kasi putaq habis.. Cam mano tak terkojut?

Den cari widget lagu tu. Cari punyo cari tak jumpo. Main sorok-sorok pulak.. Punyolah sekso duk mencari benda alah ni.. Ok dah jumpo dah tapi... takda button stop! Pulak...

Nasib baiklah den masih ado lagi sekelumit iman dalam hati.. Den cubo stay cool. Lagu tu den biarkan je. Den pun bacolah, entri kat situ. Kojap-kojap den kocikkan mato, kojap-kojap den bosarkan mato. Sobab eh den ikut saiz font dio. Kojap kocik kojap bosar.. Lopeh tu warno-warni pulak. Dah macam tengok pelangi den raso. Sekso den nak baco.

Lopeh tu sakit mato den ni ha. Kombinasi warno template tak sesuai.. Ado yang torang bonar, ado yang gelap bonar. Berpinau mato den..
                                                         __________________________

Last-last tahap kesabaran den memang boto-boto torcabar.. Disebabkan tindakan refleks, dengan pantas jari den tokan pangkah.. Habih nak buek macam mano? Den sebagai trafik den raso terganggu ya amat. Tak dapek den nak meramaikan follower blog ekau.. Sori lah yo... Tak dapek den nak nolong..
Ranking: 5

{ 0 comments... read them below or add one }

Post a Comment

Related Posts Plugin for WordPress, Blogger...